منتدى الفرح المسيحى - عقلك فى راسك

https://upload.chjoy.com/uploads/165959831582391.jpg

عقلك فى راسك

طلعت جملة عبقرية "عقلك فى راسك تعرف خلاصك " !!
و طلع ان العيا كله بيبتدى "فى الراس" و الشفا كله برضه بيبتدى "فى الراس" ..

و طلع ان ملخص الأمراض كلها :
يا "نفس جسمية" يعنى تبتدى من عقلك و تمرض جسمك ،
يا "جسم نفسية" يعنى تبتدى فى جسمك و تتعب عقلك ،
يا "نفس جسم نفسية " يعنى نفسك تمرض جسمك
و بعديها جسمك يمرض نفسك و تلف الدايرة و ما تقفش!!

تأثير النفس الرايقة الهادية المطمنة لا حدود له !!
ختى فى اصعب الأمراض، كوكتيل طمأنينة مع ثقة مع علاج يعطى شفاء رائع و سريع (على فكرة انا بأكد على ضرورة العلاج) ، افضل آلاف المرات من أدوية كثيرة و نفسية مهزوزة و حزينة ..

و ربنا يديك نفس ناجحة تشفى جسدك ، و عقلك فى راسك تعرف خلاصك!

أَيُّهَا الْحَبِيبُ، فِي كُلِّ شَيْءٍ أَرُومُ أَنْ تَكُونَ نَاجِحًا وَصَحِيحًا، كَمَا أَنَّ نَفْسَكَ نَاجِحَةٌ. (٣ يوحنا ١: ٢)

صح تمام؟؟