منتدى الفرح المسيحى - الخَطِيَّة فِيه حَاجَة جُوَّايَا أنَا مُرْتَبِطَة بِالغَرِيزَة

https://upload.chjoy.com/uploads/165928378266321.jpg

إِذاً مَا هِيَ الخَطِيَّة ؟ الخَطِيَّة فِيه حَاجَة جُوَّايَا أنَا مُرْتَبِطَة بِالغَرِيزَة أوْ مُرْتَبِطَة بِأكْل أوْ مُرْتَبِطَة بِشَهْوَة أوْ مُرْتَبِطَة بِخُوف .. الحَاجَة اللِّي جُوَّايَا دِي رَبِّنَا عَطِيهَا لِيَّ لِهَدَفْ كُوَيِس .. عَدُو الخِير يِحَاوِل يِحَوِّل الهَدَفْ دَه إِلَى هَدَفْ خَطَأ أوْ خَطِيَّة أوْ شَر .. فَنَفْس الحَاجَة اللِّي رَبِّنَا عَطِيهَا لِيَّ عَشَانْ يِحِبِّنِي بِهَا عَدُو الخِير يِحَوِّلْهَا عَشَانْ الحَاجَة دِي تُبْقَى بِينِي وَبِينْ رَبِّنَا فَجْوَة وَيِفْصِلْنِي عَنْ رَبِّنَا .. زَي مَا عَمَل مَعَ أبُونَا آدَم رَبِّنَا عَطِيه الأكْل عَشَانْ يِعِيش بِه يِقُوم الشَّيْطَان يِحَارْبُه بِالأكْل عَشَانْ يِمُوت بِه .. رَبِّنَا أعْطَى الإِنْسَان الأكْل عَشَانْ يَأكُل وَيَشْكُر رَبِّنَا وَيِحِبْ رَبِّنَا .. الشَّيْطَان عَايْزُه يَأكُل عَشَانْ يِبْعِد عَنْ رَبِّنَا مِشْ عَشَانْ يُشْكُر رَبِّنَا لكِنْ عَشَانْ يِتْمَرَّدٌ عَلَى رَبِّنَا .. هذَا هُوَ الشَّيْطَان .