منتدى الفرح المسيحى - الخَطِيَّة جَايَة مِنْ كَلِمَة خَطَأ

https://upload.chjoy.com/uploads/165928378266321.jpg

مَا هِيَ الخَطِيَّة ؟
=======================
الخَطِيَّة جَايَة مِنْ كَلِمَة خَطَأ .. وَخَطَأ يَعْنِي غَلَط .. فَالخَطِيَّة هِيَّ الغَلَط .. وَالغَلَط عَكْس الصَّح .. يُبْقَى الخَطِيَّة هِيَّ الغَلَط .. وَالغَلَط دَه فِي مِين ؟

الغَلَط دَه فِي ثَلاَث حَاجَات :
أ/ ضِدٌ رَبِّنَا ب/ ضِدٌ نَفْسِي ج/ ضِدٌ الكِنِيسَة
لأِنْ أنَا لَمَّا بَغْلَط فِي رَبِّنَا يُبْقَى بَغْلَط فِي الكِنِيسَة لأِنْ الْمَسِيح هُوَ رَأس الكِنِيسَة .. فَلَوْ أنَا غِلِطْت فِي الرَّأس يُبْقَى غِلِطْت فِي الجِسْم .. يُبْقَى الخَطِيَّة هِيَ الخَطَأ .. يُبْقَى الخَطِيَّة ضِدٌ نَفْسِي وَضِدٌ رَبِّنَا وَضِدٌ الكِنِيسَة .. يِقُولُوا كِدَه إِنْ اللِّي يِعْمِل الخَطِيَّة يِعْمِل التَّعَدِّي ( 1يو 3 : 4 ) .. وَالتَّعَدِّي يَعْنِي مُخَالْفَة " وَاحِدٌ تَعَدَّى حَاجَة يَعْنِي خَالِفْهَا " .. وَالتَّعَدِّي أيْضاً يَعْنِي إِنْ الوَاحِدٌ تَجَاوَز حُدُودُه وَهذِهِ هِيَ الخَطِيَّة .