منتدى الفرح المسيحى - هو وعد بأمان الدار😇، بستر الخيمة⛺، بصخرة الرفعة⛰️

https://upload.chjoy.com/uploads/165943979494571.jpg

إيه هي الشجاعة⁉️
هل هي عدم الخوف؟!
مستحيل.. الخوف غريزة طبيعية..
قال أحد المفسرين: "إن الشجاعة هي أن نطمئن في وسط
عدم الاطمئنان، ونتشجع بالله فقط"
افتكرت كلام داود 😍 الرَّبُّ حِصْنُ حَيَاتِي، مِمَّنْ أَرْتَعِبُ؟
لو كملنا باقي المزمور هنلاقي الرب بيطمنا أنه يوم الضيق والشر هو هيخبينا جوه خيمته؟!
أيوة هنبقى في أمان ديار الله نفسه🫡
عايزك تردد معايا العدد ده" لأَنَّهُ يُخَبِّئُنِي فِي مَظَلَّتِهِ فِي يَوْمِ الشَّرِّ
. يَسْتُرُنِي بِسِتْرِ خَيْمَتِهِ. عَلَى صَخْرَةٍ يَرْفَعُنِي." (المزامير ٢٧: ٥)

أيوة هو بيقولك لو يومك النهاردة تقيل ومش قادر تبدأه ، هو معاك💪🏻..
لو عندك مشاكل وخايف من اللي شايله بكرة،
هو بيقولك أنت في خيمتي.. تحت حمايتي😇..
لو حاسس بخزي من ظروف الحياة أو من غلطة عملتها،
اطمن هو ساترك🫂..
لو في وسط أمواج عالية عماله تلطش فيك
، هيرفعك على صخرة في وسط موج البحر🌊..

صلي معايا ال ٣ كلمات دول "خبيني، استرني
، ارفعني" وكررهم خلال اليوم🙏🏻🙏🏻

👈🏻 افتكر هو ماوعدش أنه الحياة تكون سهلة،
لكن واعد بأمان الدار😇، بستر الخيمة⛺، بصخرة الرفعة⛰️