منتدى الفرح المسيحى - شعرة بين الاتنين

https://upload.chjoy.com/uploads/165890378924021.jpg

أوقات بنفهم إن الصداقة هي إني ألاقي اللي يقوللي الحقيقة
مجردة خالية من أي ذوق أو إتيكيت😑
أو الصداقة هي إني أخليكي تبكي وتندمي
وأوريكي أوحش ما فيكي وإلا مش هبقى صديقة وفية 🤔
الحقيقة إن الصديقة الصح هي اللي تحسسك
إنك كويسة وتستحقي كل الخير
وتحسي إنك كفاية من غير نواقص 🥰
الصداقة الحقيقية مش وقاحة
لكنها بتخليني أشعر بشعور جيد عن نفسي حتى
وإن أخطأت بتديني القوة عشان أصحح الخطأ 👌
الكلام الحقيقي لما يسحب منك القوة
دة يبقى هدّام وخارج من قلب حقود عايز يستنزفك 💔
الكلام الحقيقي بذوق ويديكي شعور بالقوة وإنك تقدري 🤗
كام مرة لقيتي ناس بتحدفك بالطوب وبتتعوري وهما بيقولوا الحقيقة؟ وكام مرة حد قالك الحقيقة من غير ما يحسسك إنك وحشة؟❤️