منتدى الفرح المسيحى

https://upload.chjoy.com/uploads/165876685313551.jpg

لما تعمل حاجة حلوة لحد اسأل نفسك انت بتعملها ارضاء له ولا ليك

يعنى مثلا لما بتدى حد محتاج بتفكر انك هتفرحه
وكمان هتكفيه وبتفكر فيه هو وفى استفادته

ولا بتفكر فى نفسك انك ترضى ضميرك
وتحس انك عملت حاجة حلوة

وكمان بتفكر فى مباركة فلوسك ماديا

الحقيقة دى ممارسة غير سليمة للحياة الروحية

كل ما (الاخر) شغل مساحة اكبر من تفكيرك
واهتمامك اعرف انك ماشى صح

وكل ما ذاتك كانت هى اللى شاغلة تفكيرك اكتر حاجة اعرف
ان فى غلطة

الخادم والكاهن وهو بيخدم او يوعظ بيدور على انه يكون ناجح؟؟؟

ولا مشغول بخلاص نفوس الناس

حاجة اخيرة بس مهمة...ممكن الاخر يشغلك على سبيل المجاملة او المصالح

فاللى يثبت ان الاخر شاغلك بطريقة روحية....اهل بيتك .
...لان فى ناس مجاملة ولطيفة مع الاغراب وعنفاء وقساة مع اهلهم

خليك لطيف مع ابوك وامك واخواتك ومراتك وجوزك.....الخ

لاَ تَنْظُرُوا كُلُّ وَاحِدٍ إِلَى مَا هُوَ لِنَفْسِهِ
، بَلْ كُلُّ وَاحِدٍ إِلَى مَا هُوَ لآخَرِينَ أَيْضًا.
(فى ٢ : ٤)

فَلْيُرْضِ كُلُّ وَاحِدٍ مِنَّا قَرِيبَهُ لِلْخَيْرِ، لأَجْلِ الْبُنْيَانِ. (رو ١٥ : ٢)