منتدى الفرح المسيحى - طرق تساعدك تقتل الفراغ وتعيش حياه ليها معني

https://upload.chjoy.com/uploads/165874531038481.jpg

كتير من المشاكل النفسية الأيام دي..
محدش عارف ايه سببها، والعلماء بيرجحوا أسباب وراثية
أو صدمات في الطفولة أو بيئة غير آمنة ومؤذية.
لكن الحقيقة في سبب كبير للكتير من المشكلات النفسية،
وللجوء للإدمان بصفة عامة ومنه إدمان الإب_احية،
وهو: الفراغ وغياب المعنى من الحياة
وعدم وجود هدف أسمى أعيش ليه.
يمكن الكلام ده يبان رفاهية، لكن الحقيقة
هو في عمق احتياجنا النفسي.
وعلشان أتغلب على الفراغ وأكتشف معنى
وهدف حياتي، محتاج لـ 3 أمور:
1- أكتشف نفسي، وأقبلها، وأطورها 🧐
محتاج أعرف إمكانياتي ومواهبي وذكاءاتي،
ايه اللي بيميزني؟ وايه نقاط ضعفي؟
علشان أقبل اللي مقدرش أغيره، وأطور اللي أقدر أطوره.

2- أخرج برة دايرة نفسي 👨‍👩‍👧‍👧
معنى الحياة وهدفها مش موجود فيّ،
لكن ربنا أوجده في الآخر، وطول ما أنا محصور جوة دايرة نفسي
عمري ما هاكتشف هدف حياتي ومعناها.

3- إني أتقابل مقابلة حقيقية مع الله الحي الحقيقي 😍☝️
ولأن هو اللي خلقني فهو اللي عارف غرض حياتي
وهو وحده يقدر يديها معنى.. اطلب الله، اتقابل معاه،
وسلم عمرك ليه، فتعيش حياة لأسمى هدف.