منتدى الفرح المسيحى - مش هتبات جعان

https://upload.chjoy.com/uploads/165874221706491.jpg

في إجتماع الخدمة بتاعي كان دايما
يبقى عندنا عجز مادي لما نيجي نطلع مؤتمرات أو نعمل أيام للكرازة أو .....
كنت أروح للقائد بتاعي و بالورقة و القلم
و أقوله مش نافعة صدقني طب تعالى نقلل عدد الناس أو الأيام ..
و أيام بيأس خالص و أقوله يلا نلغي بدل ما يطلع شكلنا وحش 😑
بس هو كان دايما رده مبيتغيرش معايا كان دايما يقولي
( سيدك صالح ) .. 👆
أول ما اشتغلت ، بدأت في مكتب صغير أوي
و كنت دايما لما يجيلي فرصة شغل
وتضيع أقعد أبكي قدامه و أقوله :
أنا حاسة أن عمري ما هطلع من المكان دة 😭

في أمثال ١٠ و عدد ٣ بيقول :
اَلرَّبُّ لاَ يُجِيعُ نَفْسَ الصِّدِّيقِ، وَلكِنَّهُ يَدْفَعُ هَوَى الأَشْرَارِ.

🌟 الحقيقة أنه علي مدار سنين الخدمة كلها دايما كنا نرجع بفايض و الله بيسد العجز كله و يفضل معانا كمان زيادة .. 🤷

و🌟الحقيقة التانية أني بعد ما اتنقلت و روحت شركة أفضل ببص على الأيام اللي فاتت وبقول
( شكرا لأنك مش ساكت على ولادك و لا تجيع نفسهم ) .. 🙏