منتدى الفرح المسيحى - تفتكر صح متصليش وانت متألم

https://upload.chjoy.com/uploads/165860578845971.jpg

فكرة غلط سائدة عندنا إن لو مش قادر تصلّي ماتصليش
وماتضغطش على نفسك، كأن الصلاة عقاب مثلًا أو حاجة
هتقّل عليك أكتر
خليني أحكيلك حكايتي
أنا كنت زيك كدا وكل ما أكون مخنوق مابصليش
، ودا استمر سنين كتيرة قوي
لكن مرة حد قال قدامي جملة غريبة بالنسبالي (أنا أحلى صلاة بصليها وقت ما بكون متألم)
وقررت إني أجرب الأحلى صلاة دي، وكانت فعلًا أحلى صلاة
قد إيه كنت متلامس مع روح الله،
وادركت وقتها إنه بيحب يطبطب عليَّ وبيحس بيَّ أكتر من أي حد
اشجعك لو أنت متألم صلّي وجرب