منتدى الفرح المسيحى

https://upload.chjoy.com/uploads/165858215079841.jpg

من أكتر الصفات بتلفت قلبي قبل نظري "الرحمة" أو بالبلدي الحنية 🥰
حاجة جميلة أوى أنك تلاقي في حياتك حد رحيم بيك 😊
حد بيديك عذر وقت غلطتك ويسامحك.
حد بيرفق على احتياجك... مش بيعيرك بيه.
حد بيصبر عليك تتغير ... مش حاكم عليك بالفشل .
حد من الآخر بيتلكك علشان يعمل خير ...
ياااااه لو الناس ديه تكتر فى حياتنا 😅
هيبقي كل واحد أحسن نسخة من نفسه.✅
فى أمثال ١٢ وعدد ١٠ بيقول :
الصِّدِّيقُ يُرَاعِي نَفْسَ بَهِيمَتِهِ، أَمَّا مَرَاحِمُ الأَشْرَارِ فَقَاسِيَةٌ
وهنا الفرق كبير وواضح يا سااادة😅😅🤷‍♀️
الصديق بيراعي تعاملاته حتى لامؤاخذه مع البهايم بتاعته🐄🐂
لكن الشرير واللي قلبه قاسي حتى رحمته بتوجع اللي حواليه😥

لو بعيد عن منبع الحب وقلبك مش بينطق غير بقساوة
صلى النهاردة تكون صدّيق.. رحيم.. شبعان من قلب سيدك♥️
ولو تعبت من وجع وقساوة ناس كتير…
هتلاقي رحمة وحنية قد الدنيا مع أبو كل المراحم❤️