منتدى الفرح المسيحى - تعالى إستقبل شفاء من إيد القدير 💜

https://upload.chjoy.com/uploads/16585801062641.jpg

في وقت من الأوقات كنت باروح أزور مريضة بصفة مستمرة في المستشفى وحقيقي الوقت ده كان صعب عليا جداً
لأني كنت باشوف كمية ناس مريضة كتير
وكل واحد فيهم مستني كلمة من الدكتور يكتبها وهى (خروج) 🥺
كل حد عنده أمل أنه يخف ويبقى كويس ويرجع لصحته تاني.
يمكن تكون حاسس إنك تعبان أو حتى عندك مرض فى الجسد 😥
وبقالك فترة وكمان زهقت من مشوار الدكتور
وتعبت من كتر الأدوية اللي بتاخدها
تعالى شوف معايا نازفة الدم كان بقالها ١٢ سنة بتنزف
وبتعاني بس أول ما شافت يسوع قالت فِي نَفْسِهَا:
«إِنْ مَسَسْتُ ثَوْبَهُ فَقَطْ شُفِيتُ»
تعالى النهاردة و اعلن إحتياجك للمسة الشفاء من إيد يسوع
يمكن تكون طلبت كتير وصليت كتير وحاسس أن مفيش فايدة لكن كمل ثق أن يسوع لما بيجي يلمسك مش بس يقدر يلمس جسدك المتعب لكن يقدر يلمس نفسيتك كمان وهو هيهمس
ويقولك زي ما قال للمرأة «ثِقِي يا ٱبْنَةُ، إِيمَانُكِ قَدْ شَفَاكِ ».
فَشُفِيَتِ ٱلْمَرْأَةُ مِنْ تِلْكَ ٱلسَّاعَةِ.

تعالى إستقبل شفاء من إيد القدير 💜

لمسات_يسوع