منتدى الفرح المسيحى - حوارات مع الخالق (صباح الخير وصباح السيادة )

https://upload.chjoy.com/uploads/165822971684851.jpg

صباح الخير يا بابا يا ملك
صباح الخير وصباح السيادة
برغم أن الشر و البغضه والانتقام شكله زياده في الأيام دي
وشكل الشر بيحكم العالم ..
لكن انا كلي يقين انه لسه زمام الأمور في ايديك
وانا كلي يقين انك ضابط الكل .
شايفك بتعتني بالفقير و تسند الضعيف و تشجع المظلوم
حتي لو الظلم اشتد عليه وتنصفه في نهاية المطاف.
ومازلت انا متطمن اوي عشان انت ربان سفينتي
وانا واثق فيك اوي انك مدام انت في وسطها فمش هاتتزعزع حتي لو اشتدت عليها الأمواج .
هفضل ماسك فيك وفي رحمتك وعطفك
هاتمسك بيك اكتر عشان ثباتي وهدوئي وطماني فيك انت .
هفضل احبك عشان انت اللي بديت بالحب
هفضل مستني اشوفك في كل يوم من ايامي لأن انتظاري ليك عمره ماخذلني .
بتضرع ليك تشدد اخواتي وتفتح عينيهم عشان يشوفوك حتي في الوقت الصعب .
وتتحنن علي اللي بيرفضوك لأن الحياة صعبه عليهم من غيرك . تنور عينيهم فيعرفوك .
بحبك يا أبا الاب و متغرق في نهر حبك وفيض إحسانك .
وكل صباح وانت مالي الكون علينا . وللحديث بقية يا بابا
تحياتي وقبلاتي لايديك الكريمة 🙏🙏
حوارات_مع_الخالق