منتدى الفرح المسيحى - احلى لمة للمنتدى كله

مين مننا مكانش فى يوم مع شله واصحاب

ودلوقتى لما بيفتكر بيقول

كانت ايام حلوة ؟

مين منكم مكنتش فى يوم مع صحباتها ولو ليوم واحد

ودلوقتى لما بتفتكر بتقول

والله ده كان يوم حلو ؟

لان اللمه هيا الصحبه هيا الاخوه هيا الصداقه

ولو اللمه فيها الاحترام . فيها الثقه . فيها الكلام الهادف فيها التهريج الراقى

اكيد هتبقى أحلى لمة

اللى يغيب مننا مين بيسال عنه ومين بيلاحظ غيابه ؟

اللي بيزعل مننا مين بيقف جمبه ؟

وفى كتير بيفرحوا بيبقى نفسهم يقولوا للكل احنا فرحانين

عاوزين يعبروا ويفرحوا مع اللمه

واللى مضايق ولا مخنوق ونفسه يتكلم بس عاوز حد يسمعه

واللى تعبان و نفسه بس حد يسال عنه

فى اللمه هنحس بغيابه ونسال عنه

دى دعوه خير

نتكلم فيها كلنا عن مشاكلنا عن افراحنا عن أحزانا

نسال على اللى يغيب مننا

ونطمئن على اللى تعبان

وندعى للى رايح امتحان

ونسمع اللى مضايق او مخنوق

و ننصح اللي محتار

دي لمّـــــــتنا

هيا الموده اللى بينا

هيا الاحترام اللى هيسود كل كلمه هنقولها

فى لمتنا هنتكلم فى كل المواضيع

ونراعى ربنا فى كلامنا

فى لمتنا هنحاول نستفيد من بعضنا

هنضحك

هنهرج

هنضايق

هنزعل

هنتعاتب

بس فى الاخر كلنا اخوات

ونطلع مفيش فى قلوبنا اى شى من ناحيه بعض.

غير كل احترام وموده

من حقك تتكلم فى اى موضوع

ورد على اى حد زى ما انت عاوز

بدون خروج عن الحدود

الموضوع للكل

واتناقش وقول رايك

براحتك

وتعالوا مع بعض كاخوات وكاصحاب نخليها

أحلى لمـــة