منتدى الفرح المسيحى - ساعدني أخلي ملكوت الله في جميع دواير حياتي

https://upload.chjoy.com/uploads/165756073042311.jpg

بعد محاولات كتير للنجاح
هتكبر و تكتشف
إن دورك الحقيقي اللي عليك تجتهد فيه هو إنك تظبط علاقتك الوجدانية مع ربنا بكل نضوج روحي و نفسي و عملي

و بالتالي هتلاقيه هو بيرتب لك كل الحاجات الباقية تلقائي
، حاجات كتير بتبوظ لما بننسي الحقيقة دي و بنحاول نصلح القشور اللي برة بدون الجوهر .

و حاجات كتير بتتصلح لما بنهتم نخلي كل دوايرنا
تطلب الله و يكون هو في المركز

المسيح شرح المعادلة دي بكل بساطة لما قال :

لكِنِ اطْلُبُوا أَوَّلًا مَلَكُوتَ اللهِ وَبِرَّهُ، وَهذِهِ كُلُّهَا تُزَادُ
لَكُمْ." (مت 6: 33).

ساعدني أخلي ملكوت الله في جميع دواير حياتي
، ساعدني أجتهد إجتهاد أبناء الملكوت
و أفكر بمبادئ الملكوت و أتوب صح بطريقة الملكوت
أو بالتالي تلقائي كل حاجة هتتصلح و تنجح و تشتغل تلقائي .

ساعدني أصدق في الحقيقة دي بكل بساطة و طفولية 🙏