منتدى الفرح المسيحى - راجع نفسك قبل ماتكون الطرف اللي مالوش ذنب

https://upload.chjoy.com/uploads/165752829951441.jpg

مش عيب انك تديني خمسه جنيه مقطوعه
العيب انك تبقى عارف انها مقطوعه وتديهاني
الاصول انك تعرفني ، وساعتها اختار اخدها ولا لا

الموضوع ده لقيته متكرر كتير في حياتنا اليوميه ،
لكن بأمثله تانيه …

- جوازه احد اطرافها لا يصلح بسبب سلوك او طباع او او ، ويحصل تعتيم على النقطه دي وطرف مالوش ذنب يدفع التمن

- شغلانه فيها مشكلة معينه او عيب معين وماتقولش عليه للي بترشحهاله وطرف مالوش ذنب يدفع التمن

- عربيه فيها مشاكل الدنيا وبتبيعها لشخص علشان تخلص منها ، وتاخد فلوسه وتحويشه عمره وتسيب طرف مالوش ذنب يدفع التمن

- شخص منحط اخلاقياً او بتاع مشاكل ، وتعرفه على صاحبك ويدخل بيته بدون ماتقوله اي تفاصيل عنه وطرف مالوش ذنب يدفع التمن

وغيرها كتير من الامثله ،

•• خليك شجاع ودوغري ، واعرض العيوب قبل المميزات وسيب لغيرك حق الاختيار

الفهلوه اللي تضر عمرها ماكانت شطاره
فراجع نفسك ، قبل ماتكون الطرف اللي مالوش ذنب ، وتدفع التمن