منتدى الفرح المسيحى - واحد بس ليه قيمه ❤️

https://upload.chjoy.com/uploads/16575266433261.jpg

دخل سوبر ماركت يشتري طلبات وجيبه ماليان فلوس
بعد ماجاب كل مستلزمات واحتياجات البيت وجه يحاسب
لقى كل الفلوس اللي معاه ماكملتش ٩٠ جنيه
كان كلهم جنيهات وخمسات ، فاتخدع فيهم
ساب الحاجه وهو محرج ومشي

الفلوس مش بكترها ، الفلوس بقيمتها
١٠٠ ورقه كل ورقه بجنيه قيمتهم اقل من ورقه واحده ب ٢٠٠ جنيه
عمرها مابتتقاس بالعدد ، بل بالقيمه
فماتفرحش بالعدد اللي حواليك ، وارد جدا مع اول ازمه تلاقيهم بدون قيمه حقيقيه ويحرجوك ويصغروك
وتعرف انهم زحمه في حياتك على الفاضي

احياناً ورقه واحده بتسند وتستر وتلبي الغرض
لما تكون ليها قيمه

ابدء شوف مين الفكه اللي في حياتك وجمعهم مع بعض
وصححهم بصديق حقيقي
واحد بس مميز
واحد بس مش عامل زحمه على الفاضي ولا مستكتر نفسه
واحد بس ليه قيمه ❤️