منتدى الفرح المسيحى - ودور بس ربنا بيقول ايه عنك

https://upload.chjoy.com/uploads/165748423061241.jpg

في لعبه طالعه علي الفيس واحد يخش واللعبه تكتبله
(الناس بتقول ايه من ضهرك)
ناس كتير دخلتها وعملتها ده بيدل علي وجع كبير
وجع عدم الامان في العلاقات
احنا مابقناش مصدقين اللي حوالينا خلاص
بقينا بنخش لعبه علشان نشوف هاتقول ايه ولو قالت حاجه صعبه تلاقي نفسك حزنك زاد لانك عارف ان الناس من ورا ضهرك مش بتحبك
ولو قالت اللعبه كلمه حلوه عنك تروح انت كاتب
( بس يارب يفهموا)
بقينا معندناش امان مع بعض
مش عارف ده بيضحك في وشي بجد ولالا
ده بيحضني من قلبه ولا شايل جواه من ناحيتي غضب
هو ده عاوزني معاه فعلا ولا عزومه مركبيه
انا لما شوفت اللعبه دي حزنت حزنت لان للدرجادي كلنا تعبانين من بعض ومش مصدقين بعض ومش مرتاحين مع بعض
نصيحه لكل الشباب اوعي تدور بيتقال ايه من ورا ضهرك حلو او وحش
اقولك كلمه بكررها كتير
(خليك حقيقي وصادق ) ودور بس ربنا بيقول ايه عنك