منتدى الفرح المسيحى - انا فيك يارب😭

https://upload.chjoy.com/uploads/165695439703851.jpg

سؤال جه في بالي وانا واقف في القداس 🤔
🌑 زمان ربنا في البداية سأل ادم سؤال ( اين انت) ⁉️🤔

لقيت نفسي روح الله بيسألني
روح الله : انت فين ؟؟

انا : انا اهو يارب واقف قصادك🤲

روح الله : عارف يا حبيبي لكن انا بسألك عن نفسك 🫵

انا: نفسي !😥

روح الله : اه نفسك . نفسك المكسورة والمُنحنية
راحت فين ضحكتك
راحت فين فرحه قلبك
راحت فين كرامتك وشخصيتك 🤔💔

انا : كفايا يارب انا مش قادر 🥹

روح الله : اهدي طيب انا بس بسألك انت فين 🫵🤔

انا : خدني عندك اسهل من اني اعافر هنا واتعب هنا واتجرح هنا واستني حد يفهمني او حد يسمعني او حتي حد يقدر اللي عندي 💔🫤

روح الله : كنت مستني منك رد تاني ☹️

انا : انهي رد 🙂

روح الله : لما اسالك انت فين تقولي انا فيك وانت فيا 🫶🤝

انا : طب شدد مشاعري وقوي قلبي لاني فعلا تايه مش عارف انا فين😟

روح الله : طب اتناول لان ساعتها من يأكل جسدي
ويشرب دمي يثبت فيا وانا فيه وهايبقي مكانك جوايا
علشان لمًا اسالك
انت فين هاتقول ايه 🥰🤔

انا : (ببكاء الاطفال) انا فيك يارب😭☝♥️