منتدى الفرح المسيحى - مستصغر الشرر

https://upload.chjoy.com/uploads/165686376407311.jpg

صدقت الحكمة العربية القديمة : "معظم النار من مستصغر الشرر "

عارف ازاى بتبدا مشاكل البيوت اللى بتؤدى للطلاق ؟؟

كلها من توافه صغيرة بس كتيرة ، و قول جارح على تصرف بلا احترام على إهمال غير مقصود .. و كل ده اتساب يتكوم فوق بعض من غير حل او اتفاق او تفاهم بحكمة و حب ..

و مشكلة على مشكلة بقت قنبلة !!

لاحظ ان اللى بيفسد كروم العنب مش الثعالب الكبيرة ،
؛ اسمع الآية "خُذُوا لَنَا الثَّعَالِبَ، الثَّعَالِبَ الصِّغَارَ الْمُفْسِدَةَ الْكُرُومِ. (سفر النشيد ٢: ١٥)

و زى مشاكل الزواج كده برضه ، مشاكل تربية الاولاد
، و مشاكل العلاقات بالناس ، و فى العمل و فى الخدمة ..

أول بأول واجه الخلافات "الصغيرة" بحكمة "كبيرة" لتتجنب نهاية "خطيرة" !!