منتدى الفرح المسيحى - شوف نفسك النهاردة بعين الخالق

https://upload.chjoy.com/uploads/165684766998691.jpg

فتحت اقرأ في (تكوين ١ )
وكان أول شعور جوايا ده غالبًا أكتر سفر قريته …
بس باصلي أسمعك يارب ...🤲

يمشي الأصحاح كله إن الله بيخلق كل حاجة ويقول "وَرَأَى اللهُ .
.... أَنَّهُ حَسَنٌ." ☺️
وللحظة وقفت ...
هو أنت خلقتني فعلًا وبتقول عليا "أنه حسن" ؟!😳
حسن أيه بس!!!🤔
ده أنا مبهدل الدنيا . 🙄
حسن من انهى ناحية!! 😀
دا أنا لسه بصارع في نفس الحتة اللي كل شوية تقولي متعملهاش وبعملها!!! 🤦‍♀️
حسن إزاي وانا فعلًا وشي منك والأرض. 🙆‍♀️

👈وتكمل كلمة الله
وَرَأَى اللهُ كُلَّ مَا عَمِلَهُ فَإِذَا هُوَ حَسَنٌ جِدًّا (تك٣١:١)

وكأن الله بيأكد أنه حسن جدًا كمان ...🙈

بيأكد أن طول الوقت فيه فيضان حب ... 💜
حب أبوي مش بينتهي مهما عملت ...
ولو دماغك مش قادرة تستوعب ده علشان نماذج الأبوة اللي شوهت الصورة ... 🥺

هو بيأكد أن كمان فيه فيض نعمة ملكش فضل فيها
لكن كدة كدة الله اللي خلقك وشافك حسن
بيقدمهالك كل يوم وكل واقعة وكل كسرة

شوف نفسك النهاردة بعين الخالق😍😉😍