منتدى الفرح المسيحى

https://upload.chjoy.com/uploads/165686277318631.jpg

فيه كده ، كسر أسوأ بكتير من كسر العظام اسمه "كسر النفس" .

عارف زى ايه ؟؟
زى طفل بيجري على حضن والده و مستنيه يشيله، فيدى له ضهره !!
بص على وشه و كسرة عينه و دموعه و صدمته و انت تعرف الجرح وصل فين .

قيس على كده كل مرة واحد بيستنى السند من حد و يسيبه يقع ، او يستنى من حد العدل فيظلمه ، او يستنى الحب و التقدير فيلاقى الإهمال و التجاهل و الخذلان ، او يستنى من شريك حياته او أولاده الحب فيلاقى الجحود ..

و فيه نوعين من الناس ..
نوع ده طبعه و تركيبته ، السوفت وير بتاعه كده ، و ده كل ما تفكر تعاتبه يكسرك اكتر ..
مش عاوز اضايقك، بس النوع ده الرجا منه زى الجرى ورا السراب..

و نوع بيعمل كده عن قلة معرفة بنفسية الناس ، وده طبعا مش مبرر .. بس لما تعاتبه و تواجهه بحب بينتبه و يفوق و يصلح نفسه بس بعد شوية وقت ..

النوع الأول زى الق*تل العمد و التانى زى الق*تل الخطأ ..

و ربنا يكفيك أذى" كاسرى القلوب "،
و يجعلنا من اللى بيشفوا النفوس مش بيكسروها..