منتدى الفرح المسيحى - قوم الأن و اترمى ف حضن الاب السماوي

https://upload.chjoy.com/uploads/165610626146651.jpg

لكِنْ حَيْثُ كَثُرَتِ الْخَطِيَّةُ ازْدَادَتِ النِّعْمَةُ جِدًّا." (رو 5: 20).
كنت فاكر لما اعمل خطية ابعد عن ربنا واندم وان كدا كدا صوتى مش هيوصله!
اما بقا اما اكون كويس ارجعله وانا جميل و نضيف و كويس...

مؤخراً اكتشفت أن حضن ربنا🫂🖤واسع جدا
مهما أن كانت حجم خطاياك مراحمة كبيرة جداً ..

كل ميجيلك فكر انك مالكش قيمة وخطاياك كتيرة افتكر حب ربنا و جلوسه مع الخطاة .. " انه يذهب للضال الواحد كى يجده"
الخطية مرض و المريض بيجرى ورا الدكتور مش بيهرب منه و بيستنى يعلاجه و يخففه من مرضه

يسوع برضو هو الطبيب الحقيقي الشافي أمراض نفوسنا .🖤
يسوع مش قاضي هيحكم عليك كويس أو لأ.🖤
يسوع مجاش يهلك جه يخلص ويعين و يشفي.🖤
يسوع جع العالم كى ينقذه و يخلصه.. 🖤

"هَلْ قَصَرَتْ يَدِي عَنِ الْفِدَاءِ؟ وَهَلْ لَيْسَ فِيَّ قُدْرَةٌ لِلإِنْقَاذِ؟ "
"فَسَتَلِدُ ابْنًا وَتَدْعُو اسْمَهُ يَسُوعَ. لأَنَّهُ يُخَلِّصُ شَعْبَهُ مِنْ خَطَايَاهُمْ"

من فضلك وانت ف الكورة البعيدة و ريحة الخنازير ف هدومك و انت مفلس و وحيد و بائس
قوم الأن و اترمى ف حضن الاب السماوي
و هو هيحضنك بالروح القدس و الابن🙏🏼