منتدى الفرح المسيحى - إلتصق بالروح القدس هيغطيك و يلمعك و يملى قلبك فرح و زئططة.😂

https://upload.chjoy.com/uploads/165588630649141.jpg

تعالى فكر معايا و قولي أيه أول حاجة بتيجي ف بالك
لما بتسمع كلمة "فرح"؟😀:
👈فرحة طفل بلعبة جديدة.
👈طب فرحة طالب بنجاحه و تخرجه.
👈 فرحة عروسة بفستان فرحها.
👈أو مثلاً الفرحة بالمولود الجديد.

كل دا فرح حقيقي جدًا و مليان براءة و صدق ..😍
بس مشكلته إنها فرحة قصيرة جدًا في عمرنا،
مش بتكمل معانا للآخر🙆‍♀️.

إنما لو سألتك عن أيه أول حاجة بتيجي ف بالك لما بتسمع كلمة "فرح الروح"؟😇:
👈فرحة غُفران الخطايا التقيلة اللي زي الهم
و كسرة القلب بالذنب🙌.
👈طب فرحة إن ليك أب سماوي قدير مُهتم بأصغر تفاصيل حياتك😍.
👈ولا مثلاً فرحة إن أصبح ليك ميراث عظيم في السما
بالمسيح يسوع😀.
👈ولاخد الكبيرة بقى😉👇
فرحة شخص رايح يقدم حياته تحت السيف
بكل حب هدية للمسيح☺️.
...
فرح الروح القدس فرح غير طبيعي
و مالوش علاقة بأي أحداث أرضية ولا توقيت زمني يحده…
لأنه فرح ملوش علاقة بالجسد ولا بالعالم تماماً😇
.
فرح الروح القدس إختبار صعب وصفه، ولكنه سهل تعيشه🙂🙃.
صدقني، لو تعبت من العالم و أمنت بأن فرحته قصيرة و مش بتكمل للآخر …و عايز تفرح فرح أبدي إلتصق بالروح القدس هيغطيك
و يلمعك و يملى قلبك فرح و زئططة.😂

ثمار_الروح_القدس