منتدى الفرح المسيحى - 4 حاجات متعملهمش لو رايح تعزي حد فقد عزيز

https://upload.chjoy.com/uploads/165575237080191.jpg

من فضلك ماتعملش الـ 4 حاجات دي
وانت رايح تعزي شخص متألم او فقد حد 👇
1. انك تسأله عن اسباب فقده
أيا كانت الأسباب اللي ادت لفقد الشخص،
تذكرها وإعادتها مش بيريح ولا بيواسي الشخص المتضرر
بالعكس.. بيتعبه اكتر ويزود الضغط عليه.

2. تطلب منه ميحزنش
دي حاجة بتوصل للشخص المتضرر عنك
أنك مش حاسس بيه ولا بوجعه وبتتكلم من وسع
ومش مقدر اللي حصله.

3. تنصحه يقوي إيمانه
الحقيقة دا نوع تاني من الضغط لأن ببساطة
إيماننا بربنا مش بيلغي مشاعرنا لكن بيدينا رجاء،
يعني ينفع نحزن ونعبر عن حزننا.

4. تتكلم نيابة عنه
إنك تقول حاجة أو معلومة تخصه أو تخص الشخص
اللي فقده نيابة عنه، بحجة انه حزين ومش عارف يعبر كويس
ولا يتكلم مع اللي بيوجهوا ليه الكلام والتساؤلات