منتدى الفرح المسيحى - ليه صعد المسيح للسماء؟ 🤔

ليه صعد المسيح للسماء؟ 🤔

https://upload.chjoy.com/uploads/165420581222851.jpg
1- نجاح وإتمام لخدمته على الأرض: 😍👌
المسيح كان موجود هنا على الأرض لمهمة محددة،
وهي إنه يتصلب ويرفع خطية العالم،
ولما أتمها صعد للسماء علامة على نجاحه في إرساليته،
وده اللي قاله الرسول بولس في (في2: 10).

2- بداية عمله كرئيس كهنة: ✝
المسيح قائم في السماء عن يمين الآب،
بيشفع في كل مؤمن ضعيف، وبيسنده
وقت الأزمة وظروفه الصعبة (عب4: 14)،
ودي من أعظم بركات صعود المسيح للسماء.

3- يجهز للمؤمنين به مكاناً في السماء: 🌈
المسيح وعد التلاميذ إنه هيروح السماء يجهز مكان ليهم،
وإنه هيرجع تاني علشان ياخدهم للمكان ده (يو14: 2)،
وإحنا في انتظار تحقيق وعده لينا.

4- يعطينا صورة لعودته ثانيةً: ↩
بعد ما المسيح صعد للسماء، ظهر ملاكين للتلاميذ
وقالولهم إن المسيح هيجي تاني زي ما صعد قدامكم (أع1: 11)،
وده تأكيد لعودة المسيح مرة تانية للأرض.

5- إثبات أنه هو الله الظاهر في الجسد: 😍
المسيح وهو على الأرض قال إن مفيش حد يقدر
يصعد للسماء غير الله نفسه اللي ساكن في السماء (يو3: 13)،
والمسيح لما صعد للسماء قدم إثبات مهم وقوي
إنه هو الله الظاهر في الجسد.