منتدى الفرح المسيحى - مقابلة مغيرة مع الارملة وابنها

https://upload.chjoy.com/uploads/165359217223031.jpg

مات ماااات الغالي مات 🥺
ضنايا وسندي في الحياة
وبعد أبوه كان هو ليا
خلاص هعيش أنا والسكات

كان دايما هو اللي شايل
لكن دلوقتي بقى متشال 😩
هعيش ازاي من بعده يا ربي
ده أنت الوحيد العالم بالحال

وفي وسط كل الإنهيار
وألم نفسي والمرار
جالي واحد قالي متبكيش 🫂
ابنك هيقوم من تاني يعيش

ولمس نعشه بكل حنان 🥰
وقاله قوم أنت في أمان
وقام الولد اللي مات تعبان
بكلمة من ابن الإنسان

ردلي ابني أحياه من الموت🤩
بدل حياتي من اليأس والسكوت
لفرح وسعادة .. احتفال وتمجيد 🥳
غير حالي من الحزن والتنهيد لفرح لا ينطق به ومجيد 😍

#مقابلة_مُغَيِّرة 🤝🏼