منتدى الفرح المسيحى - يتعملهم تمثال

https://upload.chjoy.com/uploads/165307278218781.jpg

غالبا الناس اللي بنشوف ليهم..
تماثيل في المتاحف واحيانا في الشارع
أو في ميدان عام مثلا، لو دورنا على تاريخهم
وشكل حياتهم اللي عاشوها
هنشوف أد إيه حياتهم مكانتش سهلة او حتى عادية..
بالعكس ياما واجهوا أزمات وتحديات وظروف صعبة
وواجهوها وصارعوا معاها كتير،
وأحيانا انتصروا واحيانا وقعوا وأُحبطوا وتعبوا
وفي النص اتعلموا واتدربوا وكبروا واتشكلوا
من خلال الأزمات دي والتعامل معاها..
ويمكن علشان كدا عاشوا حياة غالية وليها معنى..
واتعملهم تماثيل كمان علشان نفضل دايمًا فاكرينهم
وفاكرين تأثيرهم ونوعية الحياة اللي عاشوها.
أنت كمان لو عايز تعيش حياة حقيقية وقوية
ومؤثرة وملهمة للي حواليك محتاج تقبل الازمات اولا
وبعد كدا تحاول تتدرب وتتعلم إزاي تتعامل معاها..
خليك بطل حتى لو مش هيعملولك تمثال 😍💪