منتدى الفرح المسيحى - الواثق من نفسه

https://upload.chjoy.com/uploads/165256828399761.jpg

مفيش شخصية بتجذبني قد الشخص اللي عارف قيمته وواثق من نفسه من جواه..
ببقى عايز اشاور عليه واقول هو ده الrole model ياجماعة اتعلموا منه..
هادي، مش بيدور على حاجة براه عشان يحس بقيمته،
مابيتهزش قدام تعليقات الناس السلبية..
مناعته النفسية قادرة تصد كل الهجمات والضغوطات اللي بتترمي عليه.
. مابيتجرش في المظاهر والشكليات ومابيلعبش لعبة التفاخر والتنافسية..
مابيروحش حتة مش عايزها، مابيمشيش سكة عشان رأي حد أو شكل خارجي أو صورة عند الناس..
ردود افعاله تقيلة مابيروحش اي extreme نفسي وعارف يوازن نفسه في النُص..
صوته الداخلي ايجابي واعلى من اي اصوات تانية حواليه..
بيحتوي اللي حواليه بس من غير مايتورط نفسياً معاهم،
بالنسبة للي حواليه هو منطقة امان كده وهدوء..
تحسه مملكة مستقرة ماشية عالارض.
الواثق_من_نفسه