منتدى الفرح المسيحى - معاهم ولا عشانهم

https://upload.chjoy.com/uploads/165252761174061.jpg

بتعيشي للعيال ولا بتعيشي مع العيال؟ 🤷‍♀️
هو فيه فرق؟
أه طبعا في فرق وفرق شاسع كمان 🤦‍♀️
تعيشي للعيال يعني مفيش إنتي، يعني تنسي نفسك وحياتك وصحتك النفسية والروحية والجسدية كمان 🤭
تعيشي مع العيال يعني بتشاركيهم حياتك ويشاركوكي حياتهم، يعني بتتبسطي مش بتستنزفي نفسك 😌
يعني بتاكلي وتشربي وتلعبي معاهم ولو مش عجباكي اللعبة اللي بتلعبيها معاهم ينفع تغيريها عشان تتبسطي إنتي كمان 😁
من حقك تقولي كفاية كرتون عايزة اتفرج على حاجة أنا بحبها ✋🥰
من حقك تقولي أنا هختفي في أوضتي ساعتين أهدا وأرتاح شوية 😌
يا ترى إنتي عايشة معاهم ولا عشانهم؟ 🤔