منتدى الفرح المسيحى - يقدر يغيرك ويخلقلك حياة جديدة رائعة

https://upload.chjoy.com/uploads/165204549596921.jpg

في مرة كلم الله نبيه إرميا في العهد القديم..
وقال له روح لبيت الفخاري اللي بيشتغل في الطين،
لما راح النبي إرميا لقى الفخاري بيعمل إناء على الدولاب..
لكن الإناء فسد وهو شغال فيه،
الحاجة الغريبة إن الفخاري رفض إنه يرمي الإناء الفاسد..
لكن الكتاب المقدس بيقول إن الفخاري عمل حاجة رائعة جداً،
"فَعَادَ وَعَمِلَهُ وِعَاءً آخَرَ كَمَا حَسُنَ
فِي عَيْنَيِ الْفَخَّارِيِّ أَنْ يَصْنَعَهُ." (إر 18: 4)
وبعد ما إرميا شاف المنظر ده..
الله قال له إنه هيعمل كده مع كل شخص
أفسد حياته ومش قادر يصلحها..
هيصنع منها حياة جديدة ومختلفة عن القديمة،
إلهنا الرائع والصالح مش بيتخلى عننا لما حياتنا بتبوظ..
لكنه ببراعة وقدرة بيقدر إنه يخلق حياة جديدة لكل واحد فينا،
كل اللي أنت محتاج تعمله إنك تيجي له بفسادك ونجاستك..
وتطلب منه إنه يغفر خطيتك ويديك حياة جديدة،
وتعلن إيمانك بشخص المسيح وبعمله على الصليب..
وتثق إن الله يقدر يخلق جواك شخصية مختلفة،
"إِذًا إِنْ كَانَ أَحَدٌ فِي الْمَسِيحِ فَهُوَ خَلِيقَةٌ جَدِيدَةٌ:
الأَشْيَاءُ الْعَتِيقَةُ قَدْ مَضَتْ، هُوَذَا الْكُلُّ قَدْ صَارَ جَدِيدًا." (2 كو 5: 17)