منتدى الفرح المسيحى - ايوه هو اللي بيهتم

https://upload.chjoy.com/uploads/16519124345841.jpg

لقيت واحد كده في الشارع حاطط شويه مناديل علي الارض
ونايم في الشارع ورايح في النوم
سألت نفسي سؤال
هو اذاي جايله نوم؟
طب الورقه الملفوفه قصادك دي وفيها بواقي اكل شبعته ؟
طب هو اذاي قادر يعيش ؟
تسمع صوت جوه قلبك يرد علي اسئلتك
يقولك (انا مهتم بيك ماتخافش)
ايوه هو اللي بيهتم
بيهتم حسب ظروفك ونومك وقعدتك
هو اللي بيعدي بيك حيره وتعب وجوع ومرض
مش بيلغي وجعك واحتياجك ولا بيكتم دموعك
اللي بتنزل من خنقتك لوحدك
بس هو مهتم بيك لانه بيعدي الايام حتي لو صعبه
هو اخوك اللي مش موجود
هو الاب اللي مش بيسيبك
هو الصاحب اللي بيختارك لوحدك
هو الحب اللي بيحضنك لما بس تقوله محتاجك
هو اهلك وناسك والبيت اللي مفتوحلك