منتدى الفرح المسيحى - ٥ أمور أكدتها قيامة السيد المسيح 😍🖐

https://upload.chjoy.com/uploads/165116810218531.jpg

1- مصداقية العهد القديم:
أنبياء العهد القديم تنبأوا في مرات كتير
عن موت وقيامة المسيح (مز16: 10)، (هو13: 14)،
والرسول بولس قال إن المسيح قام من الموت
بحسب ما ذُكر في العهد القديم.

2- مصداقية لاهوت المسيح:
المسيح مات زي أي إنسان،
ولو كانت قصته انتهت بالموت مكنش هيكون في إثبات لألوهيته،
لكن قيامة المسيح من الموت بتثبت لينا إنه هو الله الظاهر في الجسد (رو1: 4).

3- مصداقية أقوال المسيح:
السيد المسيح أثناء حياته قال حوالي 7 مرات
إنه هيموت وفي اليوم الثالث هيقوم من الموت،
وقيامته كانت دليل على صدق أقواله.

4- قيامة المؤمنين من الموت:
الرسول بولس بيقول لنا إن قيامة المسيح من الموت
هي عربون قيامتنا إحنا كمان، وإن المؤمنين لما يقوموا من الموت
هياخدوا جسد زي جسد المسيح بعد القيامة (1كو15: 20).

5- النصرة على إبليس والخطية:
قيامة المسيح شالت عن البشر حُكم الموت بسبب الخطية،
وحررتهم من سلطان إبليس اللي كان مسيطر عليهم،
وبكده يكون المسيح أعطى نصرة للبشر
على أكبر مشكلة كانت بتواجههم في حياتهم.