منتدى الفرح المسيحى - شكرا على قلبي المليان برضاك

https://upload.chjoy.com/uploads/165095990216061.jpg

طول عمري قلبي راضي بأي حال..
إداني كتير، راضية.. وحتى بالقليل،
راضية وفرحانة وعمري ما حسيت أنه قليل❤️...
مديني عين مش بتقارن اللي معاي باللي مع غيري عشان كدة باكون فرحانة حقيقي🥳🥳🥳...
وبكل أمانة بافرح بأبسط الحاجات.
.. بافرح بهدوم شكلها جميل عليّ رغم أنها مش ماركة.. بافرح بحاجة بسيطة باشاركها مع اخواتي ونفرح كلنا☺️☺️☺️..
ولما اتجوزت بقيت بافرح ببيتنا البسيط المترتب
، وافرح بأقل خير يدخله😇😇😇 ...

لكن آخر كام شهر كدة قفشت نفسي باقارن
، لأن ظروفنا لخبطت شويتين...
ولاقيته بيقولي "مالك؟! هو من أمتى بتبصي على ظروف حد..
ما ياما ضاقت عليكي قبل كدة وأنتي راضية وفرحانة..
أنا مش هاشبعك بعطايا وخير... أنا هاملا قلبك بالرضا" 💜💜💜..

شكرا على كل خير بعته وهتبعته...
شكرا على قلبي المليان برضاك...

"تَفْتَحُ يَدَكَ فَتُشْبعُ كُلَّ حَيٍّ رِضًى."
(المزامير ١٤٥: ١٦)

صباحكم كله رضا💜