منتدى الفرح المسيحى - افتح لهم مدن الملجأ

https://upload.chjoy.com/uploads/165089828262231.jpg

كانت ٦ مدن وزعها الله وسط الارض ليهرب إليها قاتل السهو
، فينجو من القصاص .. (سفر العدد ٣٥)

و ده اللي حصل ، ان السيد المسيح غفر لليهود اللي صلبوه
"لا يعلمون ماذا يفعلون"
، رغم انهم "كانوا يعلمون تماما ماذا يفعلون "
و فتح لهم مدن الملجأ وحول لهم خطيتهم من عمد الي سهو ..

يبقي سايس غضبك ، عديها و مشيها سلام و هدوء و مودة ..
حتي لو اللي قدامك قاصدها ، اعتبرها له سهو ..

ما تقفش للناس علي الواحدة ،
علشان ربنا يفوت لك زي ما انت فوت لهم ،
و علشان هما كمان يتكسفوا فيفوتوا لك و يعاملوك كده ..

احسب خطايا الناس سهو ، ترتاح و تكسب نفسك و راحتك و علاقاتك ..

و اعمل كده للكل بالذات لاولاك و شريك حياتك و اصدقاءك ..
مش بس تحسبها في قلبك ، قولها بلسانك : " انا عارف انك ما تقصدش " ، علشان تقربه من قلبك و تدي له فرصة يراجع نفسه ..

كل قيامة من الموت و انتم بكل خير ..