منتدى الفرح المسيحى - اجمل قصه حب بشوفها لما بشوفك شلت صليبى

https://upload.chjoy.com/uploads/165062262328141.jpg

ده انا لما ايديا بتتعور .. مش بستحمل
واستحملت ازاى مسمار ؟!
جوه ايديك !
دانا ساعه ما يجيلى صداع .. بتعب جدا
واستحملت ازاى الشوك ؟!
مغروس فيك !
دانا لو حد جرحنى بكلمه .. بفضل شايل
وانت ازاى مزعلتش لما ،
تفوا عليك !
بقى علشان كدا واحد زيي ؟!
تستحمل كل الاهانات
جرح وضرب .. شتيمه وقسوه
وخيانه وكره وطعنات !
مين ف الدنيا دى اصلا غيرك
علشان حب
ضحى ومات !
حبيتنى وخدتنى على عيبى
اجمل قصه حب بشوفها ...
لما بشوفك شلت صليبى ،
وكتبتلى بالدم بحبك ..
طب اقولك انا ايه دلوقت ؟!
الف سلامة عليك يا حبيبى .. 💔