منتدى الفرح المسيحى - أستقبل شفاء وانت ناظر للأمام فقط♥️

https://upload.chjoy.com/uploads/16501460358491.jpg

واحدة من ضمن الحاجات اللي بتعطلني
ومش بتخليني أكمل مع ربنا أني ببص دايما علي الماضي،
والحاجات اللي أتحرمت منها.. 🥺
الفشل، والفرص اللي ضاعت مني😔
أفضل أبص عليها بحسرة وتعب..
فمش بعرف أتمتع بالحاجات الجميله اللي ربنا مرتبهالي
وافرح بأي حاجة حلوة تحصل..
مأنا محشور في القديم..

يوسف كان من أنجح الأمثلة في الحته دي
كمل في طريقه ومسمحش للماضي أنه يعطله بالرغم من القسوه والظلم اللي اتعرضله🙂
وقال كده: "الله أنساني" يعني سمح لربنا يشفي ماضيه
من كل ذكريات مؤلمة
ممكن يكون ماضيك صعب وقاسي بس متسمحش
أنه يأثر علي مستقبلك ويعيشك متمرر وحزين...
أستقبل شفاء وانت ناظر للأمام فقط♥️
لأنَّكَ تنسَى المَشَقَّةَ. كمياهٍ عَبَرَتْ تذكُرُها.
أيّوبَ ١١ :١٦