منتدى الفرح المسيحى - كان نفسى ده يحصل من زمان

https://upload.chjoy.com/uploads/164996620528411.jpg

انا لفيت سنين وسنين على الدكاتره
وكل دكتور بقصة شكل وتشخيص شكل وكل يوم الألم والوجع يزيد
وبيزيد معاهم اليأس والأحباط وأنعدام الأمل لدرجة أن مفيش دكتور ماروحتلوش وجربت كل الادويه
ومفيش فايده 12 سنة وانا فى الدايرة دى من الاحباط واليأس
وعلاج من غير فايده
لحد ما سمعت عن دكتور أسمه يسوع بيشفى كل الامراض
جاى لحد عندنا
فقررت اروحله ولما روحت لاقيت ناس كتير جدا
ومكنتش عارفه أوصله وكان فيه صوت جوايا بيقولى لو بس لمست هدومه هتشفى
فقررت أقرب وأقرب وأقرب بكل قوة وكل أمل عندي
لحد ما لمست هدومه فعلاً و بعدها أتغيرت الدنيا تماما وجسمي اتشفا ونزيف الدم وقف!!
وكنت هطير من الفرحة لأني لأول مره أحس الأحساس ده من 12 سنة
فضلت أعيط من الفرحة وأحساسي بالحرية
وقررت اتبع يسوع الباقى من عمري
انا ثقتى فى يسوع كانت بسبب قوة شفاءه
أنت ثقتك فى يسوع مبنيه على ايه أو بسبب أيه ؟