منتدى الفرح المسيحى - ياترى النهاردة عايز توصيني على مين يا يسوع عند الصليب

https://upload.chjoy.com/uploads/164978214497641.jpg

"وسط جماهير كانت سامعة إهانات الناس لإبنها💔..
وسط حر وشمس متعلق عريان وبيتقاسموا على هدومه💔..
سامعة صوت المسامير بتترزع في أيديه💔..
لحظات خلاص ويموت💔

وتقرب ليه اكتر، وعينيها تيجي في عينيه
من غير كلام بنظرة تشق القلوب💔

دموعها الجارية زودت ألمه ،
ودمه السايل كان سيف بيدب في قلبها..

ويتكلم ويوصيها ""هوذا ابنك"" ..💜
ويختار أقرب تلميذ من تلاميذه عشان يوصي عليه أمه المباركة
بين النساء، ويقوله ""هوذا أمك""..💜

عالصليب يا إلهي كنت إله كامل وإنسان كامل.
. اهتميت توصي حبايبك يراعوا بعض..

ياترى النهاردة عايز توصيني على مين يا يسوع؟!"
عند_الصليب