لكل يوم زوّادة: الحزن المقدّس

بيخبّر البابا شنودة التالت انو الملوك والأباطرة المسيحيين كانو يعطو كل الناس فرصة من الأشغال طول اسبوع الآلام تا تقدر الناس تعيش هالحزن المقدس و ما شي يلهيهن عن انن يقضو الوقت بالكنيسة مع يسوع.
حتى انقال انو الإمبراطور ثيؤدوسيوس الكبير كان
يحرّر المساجين خلال هالأسبوع تا يشاركو بالصلا مع الباقيين! كان مؤمن انو الصلا بتعمل العجايب و خصوصًا بالأسبوع المقدس اللي هوي اكتر فرصة للإنسان يكون قريب من الرب و يعيش روحانية خاصة و كان يفكّر انو هالأجواء رح تساعدن يرجعو عالطريق الصحيح و يتوبو! بهالإيام يمكن ما فينا نعطّل كل اسبوع الآلام بس عالقليلة نحافظ عا هالروحية و نرافق يسوع بهالطريق...ما فيك بس تطلب القيامة و ما تقبل تمرق بالآلام و الصلب! الله معكن...