منتدى الفرح المسيحى - المسيح يقدر يخلق لك عين جديدة

https://upload.chjoy.com/uploads/164969454169911.jpg

لما السيد المسيح عمل معجزة عظيمة..
وخلق عينين للمولود أعمى في (يو9)
رجال الدين اليهود اعتبروا اللي حصل ده مش من ربنا..
ورفضوا إنهم يؤمنوا إن المسيح هو الله الظاهر في الجسد
واعتبروه شخص مُضلل للشعب..
وهنا بنتقابل مع نوعين من العمى..
العمى الجسدي اللي كان موجود عند المولود أعمى،
وده المسيح عرف يتعامل معاه ويشفيه..
والعمى الروحي اللي كان موجود عند رؤساء اليهود،
واللي كان واضح في رفضهم الايمان بالمسيح كابن لله..
والنتيجة إنهم طردوا المولود الأعمى من الهيكل
بعد ما عينيه فتحت.. لأنه واجههم بعماهم الروحي
وهما صمموا يكملوا فيه.
معجزات المسيح وأعماله وتعاليمه..
بتفضح العمى الروحي الموجود جوة ناس كتير،
ورفضهم الإيمان بالمسيح رغم وضوح الأدلة والبراهين.
عندك فرصة النهاردة تراجع أفكارك ومعتقداتك عن المسيح..
ومتكملش في عماك وبُعدك عنه..
المسيح يقدر يخلق لك عين جديدة،
تشوفه بيها بشكل مختلف وحقيقي. 😍
أحد_المولود_أعمى