منتدى الفرح المسيحى - 5 أسباب يخلوا صيامك مش مقبول 🤷

https://upload.chjoy.com/uploads/164945786992581.jpg

5 أسباب يخلوا صيامك مش مقبول 🤷
1- لما يكون صيامك امتناع عن الأكل بس
يبقى صومك مالهوش معنى، 😔
خلي صومك مربوط بالصلاة والتوبة
والدخول في علاقة أعمق مع الله.

2- لما يكون صيامك هدفه التكفير عن ذنوبك
ومعاصيك يبقى صيامك غلط، ❌
لأن مفيش أي عمل ممكن يعمله الإنسان
يخليه يكفر عن ذنوبه، التكفير عن الذنوب والمعاصي
بعمل المسيح على الصليب فقط (رو3: 24).

3- لما يكون صيامك وسيلة لإذلال جسدك 😲
يبقى مفهوم الجسد عندك مغلوط،
أجسادنا هي عطية ونعمة من الله، مُطالبين إننا
نصونها ونقودها، ونستخدم أجسادنا
في تمجيد الله وخدمته (1كو6: 20).

4- لما يكون صيامك سبب لافتخارك عن اللي حواليك،
يبقى أنت كده مش بترضي الله، 🤔
والمسيح لما كان موجود على الأرض انتقد رجال الدين
اللي بيصوموا علشان يظهروا صيامهم قدام الناس،
وأمرهم إن صيامهم يكون بينهم وبين ربنا (مت6: 16-18).

5- لما يكون صيامك مش مربوط بتغيير حقيقي في حياتك،
يبقى لازم تغير طريقة صيامك، 😎
ربنا انتقد اليهود لأنهم بيصوموا كتير
ومش بيقدموا مساعدة عملية للمحتاجين،
علشان كده أمرهم إنهم يساعدوا الفقير وينصفوا المظلوم
ويشجعوا الضعيف، وقالهم إن ده الصوم
اللي ربنا بيختاره (إش58: 3-7).