منتدى الفرح المسيحى - علشان مفيش حاجة تسيطر عليك

https://upload.chjoy.com/uploads/164945563927341.jpg

غالبًا أول فكرة بتيجي في دماغنا
لما نتكلم عن الصوم
هي فكرة الصوم عن الأكل والشرب
واللي في حد ذاته ليه أشكال مختلفة لممارسته
لكن الحقيقية أن أعمق سبب للصوم
مش هو الامتناع عن الأكل لفترة،
لكن لتدريب نفوسنا إن مفيش حاجة تسيطر عليها
أو تدخلها في دايرة إدمان حتى لو كانت احتياج طبيعي
زي الأكل والشرب، وبالتالي محتاجين نطبق الفكرة دي
على أي حاجة في حياتنا ممكن تدخلنا للدائرة دي..
سواء كانت علاقات أو قضاء وقت على السوشيال ميديا
أو أي حاجة تانية انت عارفها كويس بسببها بتدخل الدائرة دي،
دائرة الإدمان او حتى مجرد الاضطرار ليها..
أشجعك تصوم عن أي حاجة بتوقف إرادتك مؤقتا
علشان تعملها بنوع من الاضطرار
بس علشان تلبي احتياج معين جواك..
علشان تدرب إرادتك مع الوقت
إنها هي اللي تقرر تعمل إيه ومتعملش إيه.