منتدى الفرح المسيحى - يد الله اللي تعمل في الخفاء

https://upload.chjoy.com/uploads/16495442595671.jpg

فيه مرات كتير اللي انت شايفه خير يبقي ضرر و ضرار و شر و مرار ..
بس لانك عنيد و الغشاوة مغطية عينك ، المناقشة و الإقناع و الحوار مع اللي بيحبوك و عاوزين مصلحتك بتبقي غير مفيدة ..
ده مش بس كده ، حتي مع ضميرك و صوت الله جواك بتقفل ودانك و تصمم علي رأيك ..

هنا بقي ييجي دور الله المحب ..
يقفل لك الباب "اللي انت كنت مسميه نجاح " ..
يوقف لك علاقة ، يلخبط لك قرار ، يمنع عنك رزق ، يقفل لك باب سفر او عمل ..
كل ده بتبقي فاكره صدفة ، بس في الحقيقة بتبقي يد الله اللي قفلت لك الابواب دي علشان جي لك من وراها كل شر ..
ربنا حاول معاك كتير يرجعك عن قرارك،
و لقي المناقشة معاك مش جايبة نتيجة ..

هنا ، لانه بيحبك ، و لانه عاوز مصلحتك
، يشتغل في الخفاء من ورا ، و يروح قافل لك الباب اللي كنت مصمم تخش منه
، و يقفل لك السكة اللي انت كنت بتجري فيها بعند ..

يبقي مش كل باب مقفول شر و لا كل باب مفتوح خير ..

قبل اي عمل اسأل كويس قوي ربك و قلبك و معاهم واحد بيحبك ..