منتدى الفرح المسيحى - ساعدني أمشي المشوار للآخر زيك 💜

https://upload.chjoy.com/uploads/164917796185741.jpg

من أصعب الأوقات اللي مرت على المسيح...
كانت الكام ساعة اللي قبل الصلب..

تخيل معايا المسيح و هو عارف و متأكد أنه بعد كام ساعة
هيواجه أصعب العذابات ..

لدرجة أنه اكتئب
آه المسيح حزن و اكتئب ...و صلى ٣ مرات
و قال (ان أمكن فلتعبر عني هذه الكأس)...(متى ٢٦)
موقف صعب مرعب..لدرجة ان عرقه نزل دم (لوقا ٢٢)

بس مكنتش دي أخرة صلاته كان دايمًا يكملها
(و لكن ليس كما أريد أنا بل كما تريد أنت)...
كان مختار أنه يمشي المشوار للآخر مهما كان مكلف
و مؤلم و مرعب....

إختار ما يريده الآب ده كان الاهم بالنسباله..

يسوعي بامجدك و باشكرك لأنك كملت المشوار للآخر
و ده كان سبب أني اخدت حياة جديدة..
أشكرك إنك علمتني أنه مهما كانت ظروفي صعبة
...لكن لازم أختار في الأخر مشيئة الآب...

ساعدني أمشي المشوار للآخر زيك ...💜

عند_الصليب