منتدى الفرح المسيحى - انت مبهر يا يسوع

https://upload.chjoy.com/uploads/164914292650721.jpg

الموقف ده بالنسبالي مبهر 🤩

تخيل معايا كده حد عنده هدف واضح بيتحركله
وعارف أنه داخل على وقت صعب ممكن يفقد حياته فيه.
واللي بيحبوه بيقولوله متعملش كده متقولش كده مينفعش تروح للموت برجلك
بس الشخص ده شايف هدفه ومش شايف غيره
حتى لو على سبيل أنه يضحي بحياته.
صعبة صح؟!

ده نفس الموقف اللي كان بين يسوع وبطرس
بطرس قديس وواحد من تلاميذ يسوع بس متحملش فكرة أن يسوع بيقول أنه هيموت
وقاله
«حاشاكَ يا رَبُّ! لا يكونُ لكَ هذا!»
بس يسوع رده كان قاسي
«اذهَبْ عَنّي يا شَيطانُ! أنتَ مَعثَرَةٌ لي، لأنَّكَ لا تهتَمُّ بما للهِ لكن بما للنّاسِ»

أنت مش فاهم يا بطرس!!
أنت باصص زي الناس
مش مهتم بما لله..

يسوع انتهر بطرس مع أنه عارف أن كلام بطرس ده وراه محبه ليه..

بس مفيش أي حاجه وقفت يسوع عن وصوله لهدفه🎯

كل ده علشاني وعلشانك💜
أنت مبهر يا يسوع🤩

عند_الصليب