منتدى الفرح المسيحى - اشكره على كل مرة فدى حياتك من الحفرة وأنقذك 💜

https://upload.chjoy.com/uploads/164914033514261.jpg

عمرك جربت إنك تبقى خلاص هتتخبط في عربية وفجاة تلاقي حد بيشدك لوراء وينقذ حياتك…🤷‍♀️

طيب جربت إن يبقى حد مجهزلك مكيدة وفخ في شغلك
وعلى أخر وقت حد يقولك خلي بالك ويعرفك الحقيقة
وينقذك من الفخ…🙆‍♀️

وأكيد جربت إنك تثق في حد ويكون مش قد الثقة لكن الله بيظهرلك حقيقته قبل ما يأذيك…🧏‍♀️

أوقات كتير بنعدي بمواقف زي دي ونكون خلاص على وشك إن رجلينا هتوقع في حفرة لكن فجأة تلاقى ربنا
أستخدم حد أو حاجة علشان ينقذنا لأن وعده واضح وثابت لينا
(ٱلَّذِي يَفْدِي مِنَ ٱلْحُفْرَةِ حَيَاتَكِ . ٱلَّذِي يُكَلِّلُكِ بِٱلرَّحْمَةِ وَٱلرَّأْفَةِ )
مزمور ١٠٣ : ٤

بطمنك النهاردة حتى لو بعينيك مش شايف الحفرة اللي قدامك وخلاص رجلك نازلة فيها صدق فيه وفى وعده ليك لانه مكلل حياتك بالرحمة والرأفة واشكره على كل مرة فدى حياتك من الحفرة وأنقذك 💜