منتدى الفرح المسيحى - يحب ياخد اللقطة

https://upload.chjoy.com/uploads/164906347455141.jpg

فيه واحد يحب ياخد "اللقطة" و يطلع في الصورة ،
و ياكل القعدة ..

بيعيش و يتغذى و يكبر علي كده ، انه يبقي "في النور" باستمرار ..
اول ما تيجي له فرصه يجرى علي "الكاميرا " و يخطف المايك ..

ما يقدرش يقعد ساكت و لا يعرف يدي فرصة لغيره ينور "و لو حبة صغيرة" ..

بقي مدمن "حب للظهور" و "حب للنور" ..

تلاقيه في كل حتة : في الشغل و العيلة و حتي في الخدمة ..

و لانه بيحب "الحالة" دي ، النور ما بيحبوش،
و الناس ما بتقبلوش و لا تسمعوش مهما مدحوه قدامه و جاملوه في حضوره ..

و اول ما يمشي يكسروا وراه "١٠٠ قلة" !!

عكسه اللي بيهرب من الشهرة و الاضواء
، الناس هي اللي تتحايل عليه و تجري وراه و تتمني وجوده ..

ياريت الناس تفهم ان اللي بيجري ورا النور و الظهور
ما بيلحقهمش، و لو لحقهم بياخد معاهم رفض الناس
و ابتعادهم و رفضهم ..