منتدى الفرح المسيحى - العند يورث العند

https://upload.chjoy.com/uploads/164867907203581.jpg

العند يورث العند
ده مش بس يورث العند ، ده بيورث كل الصفات الوحشة : عند اكبر ، ظلم
، انحراف ، غضب ، انتقام ، و في الاخر يورث الكفر !!

اوعي تكون بتعمل في الناس كده !!
و ياما ناس علمت ناس العند : اباء مع الابناء ، شريك حياة مع شريكه
، مدير مع موظفينه، صديق مع صديقه ..

الجهاز النفسي مش مصمم الا علي التفاهم و الحب و الحوار ..
اما العند يؤدي للهروب و التحايل و المراوغة ..
كمان العند يزق اللي قدامك انه يعمل بيراضيك و يطاوعك و بعدين يعمل العكس من وراك ..
العند يجيب عند مقابل ..

ده أحيانا لما تبقي متفاهم مع العنيد (اللي مالكش حكم عليه غير الحب) انه يفكر براحته
و يوزن رأيك و يعمله ؛ و علشان ما يقللش من نفسه
يقولك انه "عمله من نفسه" مش بسبب رأيك (و احنا موافقين بس يعمله !!)

طبعا (قبل ما حد يقول لي) فيه قلة تحتاج شوية حسم و حزم بالذات
لو ما تعرفش مصلحتها ، و دول نوادر ، و ممكن مرحلة و تعدي ..

الحب يغلب العند ..