منتدى الفرح المسيحى

بمزاجى
لما بكون مضايقه ومخنوقه اوى
بدخل فى عالم تانى عالم الذكريات الحلوة فقط
وافضل افكر فيه لحد ما ابتسامه حلوة تترسم على وشى
لما بيكون عندى مشكله
بصلى واحطها قدام ربنا
واسيبه هو يحلها
لما بكون متحيره فى حاجه
بستشير ربنا
وبسيبها بقى زى ما تيجى
لما بكون متنرفزة اوى
وممكن اجرح ح بكلامى
بعد لوحدى
بعيد عن اى حد
واهو كله بمزاجى
لما بيكون عندى هم ما يتلم واقابل اى حد
لازم اضحك
اصل كل حد فيه اللى مكفيه
يعنى بالمختصر كده الحكايه مش نقصانى
وبرضوا بمزاجى
هبتسم وهخلى عندى امل
وهنسى هموم النيا طول ما معايا ربنا
كله بمزاجى لانى لو حطيت فى دماغى اضحك هضحك
كله بمزاجى لانى لو قولت مفيش مشكله ونستها او حطتها قدام ربنا مش هيكون فيه مشكله
كله بمزاجى احط حياتى فى ايد ربنا او محطهاش كله بمزاجى
هى كلمه مش حلوة اوى لكن عجبانى
وبقولك :
بمزاجك مش بمزاج حد تانى .... تقدر تشكل انت حياتك

منقول