منتدى الفرح المسيحى - راجع دوافعك قبل ان تمارس التدريبات الروحية

https://upload.chjoy.com/uploads/164801020761831.jpg

ايه هي التدريبات الروحية؟ 🤔
التدريبات الروحية هي سلوكيات خاصة بالمؤمنين،
ولما بنقول مؤمنين فإحنا بنقصد الناس
اللي آمنت بأن المسيح هو الله الظاهر في الجسد 👌
وإنه مات على الصليب لأجل خطايانا ✝️
وقام من الموت في اليوم الثالث وصعد للسماء..
وعلى الأساس ده بقى ليهم علاقة حقيقية بالله 👬
هدف السلوكيات دي إنها تعيد صياغة شخصياتنا..
فنكون بعد وقت شبه المسيح في أخلاقياته وصفاته 😍
من أمثلة التدريبات دي: الصلاة والصوم والصمت والتأمل..
بعض الناس بتعتقد إن ممارسة التدريبات الروحية
بتخلصهم من خطاياهم،
وده مفهوم غلط ومش متفق مع تعاليم الكتاب المقدس😲
فالخلاص هو عمل إلهي بالكامل،
الإنسان مالوش أي دور فيه،
لكن الشخص اللي نال نعمة الخلاص أفعاله وسلوكياته بتتغير
والتغيير ده بيكون للأفضل،
لأنه علامة على مصداقية الخلاص 👌
والرسول بولس أكد إن نعمة الله الحقيقية
بتغير حياة الإنسان تغيير حقيقي..
"لأَنَّهُ قَدْ ظَهَرَتْ نِعْمَةُ اللهِ الْمُخَلِّصَةُ، لِجَمِيعِ النَّاسِ،
مُعَلِّمَةً إِيَّانَا أَنْ نُنْكِرَ الْفُجُورَ وَالشَّهَوَاتِ الْعَالَمِيَّةَ،
وَنَعِيشَ بِالتَّعَقُّلِ وَالْبِرِّ وَالتَّقْوَى فِي الْعَالَمِ الْحَاضِرِ"
(تي2: 11-12)
علشان كده لازم نراجع دوافعنا كويس
قبل ما نمارس أي تدريب روحي..
لأن لو الدافع مش مظبوط مش هنوصل
للنتيجة الصحيحة من ممارسة التدريب الروحي.